KeralaNews

ഏത് മുന്നണിയിലേക്ക് പോവണമെന്ന് താന്‍ തീരുമാനിക്കുമെന്ന് മാണി

കോട്ടയം: യു.ഡി.എഫുമായി ഇടഞ്ഞു നില്‍ക്കുന്ന കേരളാ കോണ്‍ഗ്രസ് (എം) ചെയര്‍മാന്‍ കെ.എം.മാണി തന്റെ നിലപാട് മയപ്പെടുത്താതെ രംഗത്ത്. കേരളാ കോണ്‍ഗ്രസ് ഏത് മുന്നണിയിലേക്ക് പോകണമെന്ന് തീരുമാനിക്കേണ്ടത് താനാണ്. ഇപ്പോള്‍ സ്വന്തംകാലിലാണ് നില്‍ക്കുന്നത്. ഇപ്പോള്‍ ഒരു മുന്നണിയിലും ചെല്ലാമെന്ന് പറഞ്ഞിട്ടില്ല. ഏത് മുന്നണിയില്‍ പോകണമെന്ന് തീരുമാനിക്കേണ്ടത് മാണിയാണെന്ന തിരുവഞ്ചൂര്‍ രാധാകൃഷ്ണണന്‍ എം.എല്‍.എയുടെ പ്രസ്താവന ശരിയാണെന്നും അദ്ദേഹം പറഞ്ഞു.

കോട്ടയം ജില്ലാ പഞ്ചായത്ത് പ്രസിഡന്റ് തിരഞ്ഞെടുപ്പില്‍ സി.പി.എം പിന്തുണയോടെ ഭരണം പിടിച്ചതിനെ തുടര്‍ന്നാണ് മാണിയും കോണ്‍ഗ്രസും തമ്മിലുള്ള ബന്ധം കൂടുതല്‍ വഷളായത്. തുടര്‍ന്ന് മാണിക്കെതിരെ രൂക്ഷ വിമര്‍ശനവുമായി കോണ്‍ഗ്രസ് നേതാക്കള്‍ രംഗത്ത് വന്നിരുന്നു.

Tags
Show More

Related Articles

Leave a Reply

Your email address will not be published. Required fields are marked *

Close