ഡൽഹിയിൽ കർഷകരുടെ ട്രാക്ടർ റാലി ആരംഭിച്ചു. സിംഗു, തിക്രി അതിർത്തികളിൽ പോലീസിന്റെ ബാരിക്കേഡുകൾ തകർത്ത് കർഷകർ ഡൽഹിയിൽ പ്രവേശിച്ചു. ഉച്ചയ്ക്ക് 12 മണിമുതൽ വൈകുന്നേരം 5:00 മണി വരെയാണ് കർഷക റാലിക്കായി പോലീസ് സമയം അനുവദിച്ചിരുന്നത്. എന്നാൽ തങ്ങൾ പരേഡിനല്ല സമരത്തിനാണ് വന്നത് എന്ന് പ്രഖ്യാപിച്ച കർഷകർ ഡൽഹിയിൽ പ്രവേശിക്കുകയായിരുന്നു. ഒരു വശത്ത് റിപ്പബ്ലിക് ദിന ആഘോഷ ചടങ്ങുകൾ നടക്കുമ്പോൾ ഡൽഹിയിലെ റോഡുകളിൽ കർഷകരുടെ ട്രാക്ടർ റാലി നടക്കുകയാണ്. പുതിയ 3 കാർഷിക നിയമങ്ങൾ പിൻവലിക്കണമെന്ന ആവശ്യമാണ് കർഷകർ ഉന്നയിക്കുന്നത്. എന്നാൽ കേന്ദ്രസർക്കാർ വഴങ്ങാൻ തയ്യാറല്ല.
Related Articles
Check Also
Close