Movies

താൻ ബിജെപിക്കാരനല്ലെന്ന് സംവിധായകൻ പ്രിയദർശൻ,പ്രൊഫഷണലായതുകൊണ്ടാണ് ജനം ടിവി ചെയർമാൻസ്ഥാനം സ്വീകരിച്ചത്,പ്രിയൻ തുറന്നു പറയുമ്പോൾ

തനിക്ക് കക്ഷി രാഷ്ട്രീയമില്ലെന്ന് സംവിധായകൻ പ്രിയദർശൻ.തന്നെ ബിജെപിക്കാരനായി മുദ്ര കുത്തുന്നുവെന്ന് പ്രിയദർശന് പരാതി.മാധ്യമം ആ‍ഴ്ചപ്പതിപ്പിന് നൽകിയ അഭിമുഖത്തിലാണ് പ്രിയന്‍റെ തുറന്നു പറച്ചിൽ.പ്രീഡിഗ്രിക്കു പഠിക്കുമ്പോൾ എബിവിപിക്കാരനായിരുന്നു.ബിഎക്കു ചേർന്നപ്പോൾ എസ്എഫ്ഐ ആയി.അവസാന വർഷം കെ എസ് യുവും.കൂട്ടുകാരുടെ പാർട്ടിയാണ് തന്‍റെ പാർട്ടിയും.

 

ദൃശ്യമാധ്യമ മേഖലയിൽ ഇരുപത് വർഷത്തെ അനുഭവ സമ്പത്തുളളതു കൊണ്ടാണ് ജനം ടിവി ചെയർമാൻ പദവി സ്വീകരിച്ചത്.അത് പ്രൊഫഷണൽ അപ്രോച്ച് ആണ്.ജനം ഒരു പാർട്ടിയുടെ ചാനലാണെന്ന് പലരും പറഞ്ഞു,ഞാൻ പറഞ്ഞു സാരമില്ല ഞാൻ ജോലി ചെയ്യുന്നു എന്നേ ഉളളൂവെന്ന്.

 

എന്നെ ബിജെപികാരനായാണ് പലരും മുദ്ര കുത്തുന്നത്.എനിക്ക് ഒരു പാർട്ടിയോടും പ്രത്യേക അനുഭാവമില്ല.തെരഞ്ഞെടുപ്പിൽ ഗണേഷ്കുമാറിനു വേണ്ടി പ്രചാരണത്തിന് പോയി.പലരും ചോദിച്ചു എന്തിനാണു പോയതെന്ന്.ഞാൻ പറഞ്ഞു വ്യക്തിബന്ധമാണ് വലുതെന്ന്.

 

പ്രധാനമന്ത്രിയുടെ ക്യാംപയിനും ഞാൻ പോയിരുന്നു.ഇതൊക്കെ എന്‍റെ വ്യക്തിപരമായ കാര്യമാണ്.സത്യപ്രതജ്ഞക്ക് പിണറായി സർ നേരിട്ടു ക്ഷണിച്ചിരുന്നു.ഞാൻ ഏതെങ്കിലും രാഷ്ട്രീയപക്ഷത്താണെങ്കിൽ അങ്ങിനെയൊന്നും സംഭവിക്കില്ല – പ്രിയദർശൻ പറയുന്നു

Tags
Show More

Related Articles

Leave a Reply

Your email address will not be published. Required fields are marked *

Close